గణనాథునికి ప్రత్యేక పూజలు నిర్వహించిన కుక్కల రాందేవ్ పిళ్లే
కంకిపాడుప్రతినిధి: కంకిపాడు బ్యాంకు కాలనీలో నిర్వహించిన గణపతి నవరాత్రి ఉత్సవాలు భక్తిశ్రద్ధలతో, ఆధ్యాత్మిక సందడితో ముగిశాయి. ఉత్సవాల్లో భాగంగా నిర్వహించిన గణపతి నిమజ్జన ఊరేగింపు వైభవంగా సాగింది. ఈ సందర్భంగా కాలనీ వాసులు, భక్తులు పెద్ద సంఖ్యలో పాల్గొని గణనాథునికి ఘనంగా వీడ్కోలు పలికారు.
ఈ కార్యక్రమానికి కుక్కల రాందేవ్ పిళ్లే హాజరై గణనాథునికి ప్రత్యేక పూజలు నిర్వహించారు. స్వామివారి ఆశీస్సులు పొందిన అనంతరం నిమజ్జన ఊరేగింపులో పాల్గొన్నారు. భక్తులతో కలిసి గణపతి నామస్మరణ చేస్తూ ఉత్సవంలో భాగస్వాములయ్యారు. ఆయన రాకతో కార్యక్రమంలో మరింత ఉత్సాహం నెలకొంది.
బ్యాంకు కాలనీ వీధుల్లో సాగిన గణపతి ఊరేగింపులో భక్తులు, యువత ఉత్సాహంగా పాల్గొన్నారు. గణపతి బప్పా మోరియా నినాదాలతో పరిసరాలు మార్మోగాయి. భక్తులు స్వామివారికి పూజలు, హారతులు సమర్పించి తమ భక్తిని చాటుకున్నారు. అనంతరం సంప్రదాయబద్ధంగా గణనాథుని నిమజ్జన కార్యక్రమాన్ని నిర్వహించారు. ఉత్సవాలు ప్రశాంతంగా, ఆనందోత్సాహాల మధ్య ముగిశాయి.
