71వ డివిజన్ అభివృద్ధే లక్ష్యంగా ముందుకు సాగుతా పద్మజ వల్లూరి శర్వాణి

71వ డివిజన్‌లో ఎన్నికల ప్రచారంలో వైసీపీ అభ్యర్థి పద్మజ వల్లూరి శర్వాణి
విజయవాడ, ప్రతినిధి : 71వ డివిజన్‌లో వైఎస్సార్ కాంగ్రెస్ పార్టీ కార్పొరేటర్ అభ్యర్థి పద్మజ వల్లూరి శర్వాణి ఆమె భర్త మాజీ కార్పోరేటర్ శర్వాణి మూర్తి తో కలిసి  శుక్రవారం ఎన్నికల ప్రచారం నిర్వహించారు. డివిజన్ పరిధిలోని పంతులు వీధి, వందనపు వారి వీధుల్లో ఆమె పార్టీ శ్రేణులు, స్థానిక నాయకులతో కలిసి ఇంటింటికీ తిరుగుతూ ప్రజలను కలుసుకున్నారు. ఈ సందర్భంగా ప్రజల సమస్యలను తెలుసుకుంటూ, రానున్న ఎన్నికల్లో తనకు మద్దతు తెలిపి గెలిపించాలని ఓటర్లను అభ్యర్థించారు.
ప్రచారంలో భాగంగా వైసీపీ ప్రభుత్వ హయాంలో 71వ డివిజన్‌లో చేపట్టిన అభివృద్ధి పనులను ప్రజలకు వివరించారు. గతంలో తమ పార్టీ పాలనలో మాజీ కార్పోరేటర్ శర్వాణి మూర్తి డివిజన్ అభివృద్ధికి చేసిన కృషిని గుర్తించాలని కోరారు. ప్రజలకు అవసరమైన మౌలిక సదుపాయాల కల్పనతో పాటు స్థానిక సమస్యల పరిష్కారానికి ప్రాధాన్యత ఇచ్చినట్లు వివరించారు. డివిజన్ ప్రజలతో తనకు ఉన్న అనుబంధాన్ని ప్రస్తావిస్తూ, ప్రజలకు అందుబాటులో ఉంటూ వారి సమస్యల పరిష్కారానికి నిరంతరం కృషి చేస్తానని తెలిపారు.
స్థానిక ప్రజల నుంచి ఎదురయ్యే సమస్యలను తెలుసుకొని, వాటి పరిష్కారానికి కృషి చేయడమే తన ప్రధాన లక్ష్యమని ఆమె పేర్కొన్నారు. డివిజన్‌లో అభివృద్ధి పనులు కొనసాగాలన్నా, ప్రజల అవసరాలకు అనుగుణంగా సేవలు అందాలన్నా తనకు అవకాశం కల్పించాలని విజ్ఞప్తి చేశారు. ప్రజల ఆశీస్సులు, ఆదరణతో ఎన్నికల్లో విజయం సాధిస్తాననే నమ్మకం ఉందని ఆమె ఆశాభావం వ్యక్తం చేశారు.
ఈ ప్రచార కార్యక్రమంలో శర్వాణి మూర్తి ఆమెతో కలిసి పాల్గొని ఎన్నికల ప్రచారాన్ని కొనసాగించారు. పంతులు వీధి, వందనపు వారి వీధుల్లో పర్యటిస్తూ ఓటర్లను కలుసుకున్న అభ్యర్థి, తనకు మద్దతు ఇవ్వాలని కోరారు. ఎన్నికల ప్రచారంలో భాగంగా ప్రజలతో మమేకమవుతూ తన విజయానికి సహకరించాలని పద్మజ వల్లూరి శర్వాణి విజ్ఞప్తి చేశారు.