బెంగాల్ ముఖ్యమంత్రి సువెందు అధికారి మంగళవారం బంగ్లాదేశీయులను దేశం విడిచి వెళ్లాలని కోరారు. రాష్ట్రంలో అక్రమంగా నివసిస్తున్న బంగ్లాదేశీయులను గుర్తించి పోలీసులకు అప్పగించాలని, ఆ తర్వాత వారిని తిరిగి పంపేందుకు బీఎస్ఎఫ్ సహకరిస్తుందని ఆయన అన్నారు. “త్వరగా ఇక్కడి నుండి వెళ్లిపోండి, లేకపోతే మేము చర్య తీసుకుంటాము. మేము చొరబాటుదారులను జైల్లో పెట్టి వాళ్లకు ఆహారం పెట్టము. వాళ్ళు మా అల్లుళ్లు కాదు. వాళ్ళను తరిమివేస్తాము.” అని సువెందు హెచ్చరించారు . ఈ కర్మమంలో మా వాళ్లను తీసుకుపోతామని వాళ్ల (బంగ్లాదేశ్) అధికారులు కూడా చెప్పారని అయన అన్నారు .
‘గుర్తించు, తొలగించు, బహిష్కరించు’ విధానాన్ని అమలు చేయడానికి, దేశ బహిష్కరణ కోసం ఎదురుచూస్తున్న అనుమానిత విదేశీయులు, చొరబాటుదారుల కోసం నిర్బంధ కేంద్రాలను ఏర్పాటు చేయాలని ప్రభుత్వం కేవలం ఒక రోజు ముందే అన్ని జిల్లాలను ఆదేశించింది.
మే 23న జారీ చేసిన ఒక ఉత్తర్వులో, అనుమానిత విదేశీయులను నిర్బంధించేందుకు కేంద్రాలను ఏర్పాటు చేయాలని జిల్లా యంత్రాంగాలను ఆదేశించారు. అనుమానిత విదేశీయులను అటువంటి కేంద్రాలలో గరిష్టంగా 30 రోజుల పాటు నిర్బంధించవచ్చు, ఈ సమయంలో వారి పత్రాలు, గుర్తింపు, పౌరసత్వాన్ని తనిఖీ చేస్తారు.
స్క్రీనింగ్ సమయంలో, ప్రజల బయోమెట్రిక్ డేటాను సేకరించి ఒక కేంద్ర పోర్టల్కు అప్లోడ్ చేస్తారు. గుర్తించిన తర్వాత, వారిని దేశ బహిష్కరణ కోసం సరిహద్దు భద్రతా సంస్థలకు అప్పగిస్తారు. తుది నిర్ణయాన్ని జిల్లా మేజిస్ట్రేట్ లేదా ఒక ఉన్నతాధికారి తీసుకుంటారు.
