భారత్కు 125వ ర్యాంకు!
గ్లోబల్ పాస్పోర్ట్ ఇండెక్స్ 2026 నివేదిక విడుదలయ్యింది. ఈ తాజా ర్యాంకింగ్స్లో భారత పాస్పోర్ట్ స్వల్పంగా వెనుకబడింది. అంతర్జాతీయ ప్రయాణ సౌలభ్యం, ముందస్తు వీసా లేని ప్రయాణాలు, వీసా-ఆన్-అరైవల్ వంటి కీలక అంశాల ఆధారంగా రూపొందించిన ఈ జాబితాలో భారత్కు ఈసారి నిరాశే మిగిలింది.
125వ స్థానానికి భారత్.. టాప్-100 ఆశలు అగమ్యగోచరం!
గత ఏడాది (2025) 124వ స్థానంలో నిలిచిన భారత పాస్పోర్ట్, ఈ ఏడాది ఒక స్థానం దిగజారి 125వ ర్యాంకుకు చేరుకుంది. 2021లో 127వ ర్యాంకులో ఉన్న భారతదేశం ఆ తర్వాత కొన్నేళ్లపాటు క్రమంగా కోలుకుంటూ వచ్చినప్పటికీ, ప్రపంచంలోని టాప్-100 అత్యంత శక్తివంతమైన దేశాల జాబితాలోకి మాత్రం ఇంకా అడుగుపెట్టలేకపోయింది.
భారతీయులకు వీసా ఫ్రీ ప్రయాణాలు ఎక్కడెక్కడ?
తాజా గణాంకాల ప్రకారం, భారతీయ పాస్పోర్ట్ ఉన్నవారు ప్రపంచవ్యాప్తంగా కేవలం 26 దేశాలకు మాత్రమే ముందస్తు వీసా లేకుండా లేదా ‘వీసా-ఆన్-అరైవల్’ సౌకర్యంతో వెళ్లవచ్చు. ఈ దేశాల జాబితాలో ముఖ్యంగా భూటాన్, నేపాల్, జమైకా, మకావు, ట్యునీషియా ఉన్నాయి.
ముందస్తు వీసా తప్పనిసరి: అమెరికా, బ్రిటన్, జర్మనీ, ఫ్రాన్స్, చైనా, యూఏఈతో సహా ప్రపంచంలోని దాదాపు 88 ప్రముఖ దేశాలకు ప్రయాణించాలంటే భారతీయులు ఖచ్చితంగా ముందస్తు వీసా తీసుకోవాల్సిందే.
పొరుగు దేశాలతో పోలిస్తే మెరుగే.. కానీ కొన్ని చిన్న దేశాల కంటే వెనుకే. దక్షిణాసియా ప్రాంతంలోని ఇతర పొరుగు దేశాలతో పోల్చి చూస్తే భారత్ పరిస్థితి కొంతవరకు నయమనే చెప్పాలి.
